ალოტი — სოფელი მცხეთა-მთიანეთის მხარის თიანეთის მუნიციპალიტეტში, ჩეკურაანთგორის თემში. მდებარეობს თბილისი-თიანეთის გზატკეცილზე, სიონის წყალსაცავის დასავლეთით. ზღვის დონიდან 1120 მეტრზე. თიანეთიდან დაშორებულია 8 კილომეტრით. საქართველოს მოსახლეობის 2002 წლის საყოველთაო აღწერის მონაცემებით სოფელში ცხოვრობს 140 ადამიანი. აქედან 66 მამაკაცია, ხოლო დანარჩენი 74 ქალი. მოსახლეობის სრული შემადგენლობა ეროვნებით ქართველია.