კორშა – სოფელი მცხეთა-მთიანეთის მხარის დუშეთის მუნიციპალიტეტში, ხევსურეთის თემში. მდებარეობს მდინარე ხევსურეთის არაგვის მარჯვენა მხარეს. ზღვის დონიდან 1300 მეტრი, დუშეთიდან 65 კმ. ცნობილია ეთნოგრაფიული მუზეუმით, რომელშიც დაცულია ხევსურული ყოფის ამსახველი XVIII-XIX სს-ის ეთნოგრაფიული მასალა: ქალისა და მამაკაცის ხევსურული სამოსი, სამეურნეო და საბრძოლო იარაღი, ავეჯი, სპილენძის ჭურჭელი, ფოტომასალა, მუზეუმის გამგის შოთა არაბულის ფერწერული ტილოები.