კატეგორია - ტბა ^{(გვერდი 3/13)}

გაუდინარი ტბა აღმოსავლეთ საქართველოში, თბილისის ქვაბულში. მდებარეობს ქალაქ თბილისის ჩრდილოეთ ნაწილში, მდინარე მტკვრის მარცხენა მხარეს, დიდი გლდანის ტბიდან დასავლეთით, ზღვის დონიდან 530 მ სიმაღლეზე. ზედაპირის ფართობი 0,05 კმ², აუზის ფართობი 0,31 კმ². სიგრძე 300 მ, სიგანე 170 მ. მაღალი დონეა გაზაფხულზე, დაბალი — ზაფხულში. ნაპირები სუსტად არის შეჭრილ-შემოჭრილი. წყალი მლაშეა.

აღწერა არ არის

გრიგოლეთი — კურორტი ლანჩხუთის მუნიციპალიტეტში, ღრმაღელის თემში.სოფლის ტერიტორიაზე მდებარეობს ტბა გრიგოლეთი, მცირე მოშორებით კი - პალიასტომი.

გრძელი ტბა, ხალახელი — მყინვარული ტბა კახეთის კავკასიონის თხემზე, ლაგოდეხის მუნიციპალიტეტში, 2784 მ სიმაღლეზე. წყლის ზედაპირის ფართობი 0,17 კმ2, უდიდესი სიღრმე 11,9 მ, მოცულობა 1,1 მლნ. მ3. საზრდოობს თოვლის, წვიმისა და მიწისქვეშა წყლით. გამდინარეა.

დევის ტბა — კარსტული ტბა რაჭის ქედის სამხრეთ კალთის ძირში, საჩხერის მუნიციპალიტეტში, ზღვის დონიდან 1370 მ. უჭირავს ორი კარსტული ძაბრი. ზედაპირის ფართობი 0,018 კმ2, უდიდესი სიღრმე 10,7 მ, მოცულობა 72 ათ. მ3 წყალი გადის მიწისქვეშა გზით.

დერიკვარააძიში — მყინვარული წარმოშობის ტბა კოდორის ქედის ჩრდილოეთ კალთაზე, აფხაზეთში, ოჩამჩირის მუნიციპალიტეტში, ზღვის დონიდან 2548 მ. ტბის ზედაპირის ფართობი 0,08 კმ², უდიდესი სიღრმე 22 მ. საზრდოობს თოვლის, წვიმისა და მიწისქვეშა წყლით, გამდინარეა.

ბებესირი, ტბათა ჯგუფი აფხაზეთში გალის მუნიციპალიტეტში, მდინარე ოქუმის ქვემო დინების აუზში. დიდი ბებესირი და ბებესირი მდებარეობს ოქუმის მარჯვენა მხარეს, პატარა ბებესირი მარცხენა მხარეს. ტბები წარმოიშვა სანაპირო დიუნებით მდინარეების შეგუბების შედეგად. „დიდი ბებესირის“ ზედაპირის ფართობი 0,61 კმ2, უდიდესი სიღრმე 4,5 მ, „ბებესირისა“, შესაბამისად, — 0,14 კმ2, 4,6 მ, პატარა ბებესირისა — 0,1 კმ2, 1,7 მ. ტბები საზრდოობენ წვიმისა და მიწისქვეშა წყლით. ზედაპირის დიდი ნაწილი დაფარულია წყალმცენარეულობით. მდიდარია თევზით (ქარიყლაპია, კობრი, ლოქო, კაპარჭინა და სხვა). აშენებდნენ ნუტრიას. ბებესირს იყენებენ ჩაის პლანტაციების სარწყავად.

დიდი მცრა — ტბა საქართველოში, აფხაზეთში, სოხუმის მუნიციპალიტეტში[1]. სარკის ფართობი 0,15 კმ², აუზის ფართობი 1,66 კმ². მაქსიმალური სიღრმე 42 მ, საშუალო სიღრმე 17,9 მ. წყლის მოცულობა 2,68 მლნ. მ³. მდებარეობს აფხაზეთის კავკასიონზე, ზღვის დონიდან 2184 მ სიმაღლეზე.

ჯაპანის ტბა — ნამდინარევი ტბა დასავლეთ საქართველოში, ლანჩხუთის მუნიციპალიტეტში. მდებარეობს გურიის დაბლობზე, ზღვის დონიდან 13.6 მ სიმაღლეზე. ზედაპირის ფართობი 1.17 კმ², წყალშემკრები აუზის ფართობი 5.2 კმ². საშუალო სიღრმე 3.7 მ. წყლის მოცულობა 4.3 მლნ. მ³. საზრდოობს წვიმისა და მიწისქვეშა წყლით. გაუდინარია, მტკნარი. ჯაპანის ტბა დღეისათვის ტბორად არის გადაკეთებული. იყენებენ თევზის მოსაშენებლად.

აღწერა არ არის